ವಿಜಯ್ ಹಝಾರೆ ಟ್ರೋಫಿ: ಹರ್ಯಾಣ ಚಾಂಪಿಯನ್

ರಾಜ್ ಕೋಟ್: ರಾಜಸ್ಥಾನ ತಂಡವನ್ನು ಫೈನಲ್ ಪಂದ್ಯದಲ್ಲಿ 30 ರನ್ ಅಂತರದಿಂದ ಮಣಿಸಿದ ಹರ್ಯಾಣ ತಂಡ ವಿಜಯ್ ಹಝಾರೆ ಟ್ರೋಫಿ ಟೂರ್ನಿಯಲ್ಲಿ ಚಾಂಪಿಯನ್ಪಟ್ಟಕ್ಕೇರಿದೆ.

ಶನಿವಾರ ನಡೆದ ಪಂದ್ಯದಲ್ಲಿ ಆರಂಭಿಕ ಆಟಗಾರ ಅಂಕಿತ್ ಕುಮಾರ್(88 ರನ್) ಹಾಗೂ ನಾಯಕ ಅಶೋಕ್ ಮೆನಾರಿಯ(70 ರನ್)ಅರ್ಧಶತಕಗಳ ಕೊಡುಗೆಯ ನೆರವಿನಿಂದ ಹರ್ಯಾಣ ತಂಡ 50 ಓವರ್‌ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 287 ರನ್ ಗಳಿಸಿತು. ಅಂಕಿತ್ ಚೌಧರಿ(4-49)ಯಶಸ್ವಿ ಪ್ರದರ್ಶನ ನೀಡಿದರು.

ಗೆಲ್ಲಲು 288 ರನ್ ಗುರಿ ಪಡೆದ ರಾಜಸ್ಥಾನ ತಂಡ ಆರಂಭಿಕ ಬ್ಯಾಟರ್ ಅಭಿಜೀತ್ ತೋಮರ್(106 ರನ್)ಶತಕ ಹಾಗೂ ವಿಕೆಟ್ ಕೀಪರ್ ಕುನಾಲ್ ಸಿಂಗ್(79 ರನ್)ಅರ್ಧಶತಕಗಳ ಹೊರತಾಗಿಯೂ 48 ಓವರ್‌ ಗಳಲ್ಲಿ 257 ರನ್ ಗಳಿಸಿ ಆಲೌಟಾಯಿತು.

ಹರ್ಯಾಣದ ಪರ ಸುಮಿತ್ ಕುಮಾರ್(3-34), ಹರ್ಷಲ್ ಪಟೇಲ್(3-47) ತಲಾ 3 ವಿಕೆಟ್ ಪಡೆದರೆ, ಅಂಶುಲ್(2-34) ಹಾಗೂ ರಾಹುಲ್ ಟೆವಾಟಿಯ(2-52) ತಲಾ ಎರಡು ವಿಕೆಟ್ ಪಡೆದರು.